മൺസൂൺ ആരംഭിച്ചതോടെ പ്രകൃതിഭംഗിയും വെള്ളച്ചാട്ടങ്ങളും ആസ്വദിക്കാൻ അവസരമൊരുക്കി കെ.എസ്.ആർ.ടി.സി ജില്ലാ ബജറ്റ് ടൂറിസം സെൽ ജൂൺ മാസത്തെ മൺസൂൺ കലണ്ടർ പുറത്തിറക്കി. മലയോര വിനോദസഞ്ചാര കേന്ദ്രങ്ങളും പ്രമുഖ തീർത്ഥാടന കേന്ദ്രങ്ങളും ഉൾപ്പെടുത്തിയാണ് യാത്രാ കലണ്ടർ തയ്യാറാക്കിയിട്ടുള്ളത്. കൊട്ടിയൂർ വൈശാഖ മഹോത്സവ തീർത്ഥാടന യാത്രയാണ് ഈ മാസത്തെ പ്രധാന ആകർഷണം.
ജൂൺ 4, 7, 11, 15, 17, 18 തീയതികളിൽ പുറപ്പെടുന്ന മൂന്ന് ദിവസം നീളുന്ന കൊട്ടിയൂർ യാത്രയ്ക്ക് താമസവും യാത്രാനിരക്കും ഉൾപ്പെടെ 3000 രൂപയാണ് ചാർജ്. ജൂൺ 6-ന് ഇല്ലിക്കൽ കല്ല് – ഇലവീഴാപൂഞ്ചിറ യാത്രയും (820 രൂപ), റോസ്മല യാത്രയും (520 രൂപ) ഉണ്ടായിരിക്കും. ജൂൺ 7-ന് കുറ്റാലം ഉൾപ്പെടുന്ന അംബാസമുദ്രം യാത്രയും മീൻമുട്ടി വെള്ളച്ചാട്ടവും കല്ലാറും സന്ദർശിക്കുന്ന പൊന്മുടി യാത്രയും (650 രൂപ) ചാർട്ട് ചെയ്തിട്ടുണ്ട്. ജൂൺ 21-നും പൊ•ുടിയിലേക്ക് യാത്രയുണ്ടാകും.
തിരുവനന്തപുരം ഡബിൾ ഡക്കർ ബസ്സിലെ സിറ്റി റൈഡും കന്യാകുമാരി സൂര്യോദയവും തൃപ്പരപ്പ് വെള്ളച്ചാട്ടവും ഉൾപ്പെടുത്തിയുള്ള കന്യാകുമാരി യാത്ര ജൂൺ 11-ന് നടക്കും; നിരക്ക് 1150 രൂപ. ജൂൺ 13-ന് മൂന്നാർ – കാന്തല്ലൂർ യാത്രയും (2380 രൂപ) ഇല്ലിക്കൽ കല്ല് യാത്രയും (820 രൂപ) ഉണ്ട്. കുട്ടനാടൻ ഭംഗിയും വേമ്പനാടൻ രുചികളും ഹൗസ് ബോട്ട് താമസവും ഭക്ഷണവും ഉൾപ്പെടെ അനുഭവവേദ്യമാക്കുന്ന കുമരകം ബോട്ട് യാത്ര ജൂൺ 14-നാണ്; നിരക്ക് 1780 രൂപ.
മഴക്കാലത്തെ പച്ചപ്പും കാനനഭംഗിയും വന്യമൃഗങ്ങളെ നേരിൽ കാണാനുള്ള അവസരവുമൊരുക്കുന്ന ഗവി – അടവി – പരുന്തുംപാറ യാത്രകൾ ജൂൺ 15, 23, 29 തീയതികളിൽ നടക്കും. ഇതിനുപുറമേ ജൂൺ 19-ന് ഊട്ടി യാത്രയും, ജൂൺ 20-ന് വാഗമൺ, പൂവാർ ബോട്ടിംഗ് യാത്രകളും ക്രമീകരിച്ചിട്ടുണ്ട്. ജൂൺ 25-ന് കൊല്ലത്തുനിന്ന് ആരംഭിക്കുന്ന കൊടൈക്കനാൽ യാത്രയ്ക്ക് ഒരാൾക്ക് 2050 രൂപയാണ് നിരക്ക്. യാത്രകളെക്കുറിച്ചുള്ള കൂടുതൽ വിവരങ്ങൾക്കും ബുക്കിംഗിനും: 9747969768, 9995554409.