ഡാലസ്: ജൂൺ 19 – വെള്ളിയാഴ്ച രാവിലെ ഉത്തര ടെക്സസിൽ ഉണ്ടായ ശക്തമായ ഇടിമിന്നൽ മഴയെ തുടർന്ന് ഫ്രിസ്കോ, പ്ലാനോ, അലൻ, ഡാലസ് എന്നിവിടങ്ങളിലായി നിരവധി വീടുകൾക്ക് തീപിടിത്തമുണ്ടായി. മിന്നലാകാം തീപിടിത്തങ്ങൾക്ക് കാരണമെന്ന് അഗ്നിശമന സേനയുടെ പ്രാഥമിക നിഗമനം.
ഫ്രിസ്കോയിലെ ഒരു വീടിന് നേരിട്ട് മിന്നലേറ്റതിനെ തുടർന്ന് വലിയ തീപിടിത്തമുണ്ടായി. പ്ലാനോയിൽ കുറഞ്ഞത് അഞ്ച് തീപിടിത്തങ്ങൾ മിന്നലുമായി ബന്ധപ്പെട്ടിരിക്കാമെന്ന് അധികൃതർ പരിശോധിക്കുന്നു. അലനിൽ തീ അണയ്ക്കുന്നതിനിടെ ഒരു അഗ്നിശമന സേനാംഗത്തിന് പരിക്കേറ്റു. ഡാലസിൽ മൂന്ന് നിലകളുള്ള ഒരു വീട്ടിൽ ഉണ്ടായ വലിയ തീപിടിത്തം അണയ്ക്കാൻ 70-ലേറെ അഗ്നിശമന സേനാംഗങ്ങൾ രംഗത്തെത്തി. ഇതുവരെ മറ്റ് ആളപായങ്ങൾ റിപ്പോർട്ട് ചെയ്തിട്ടില്ല.