കൊച്ചി: പരിസ്ഥിതി സൗഹാർദ സുസ്ഥിര പ്രവർത്തനങ്ങൾക്ക് കൊച്ചിയിലെ പഞ്ചാബ് ആൻഡ് സിന്ധ് ബാങ്ക് ശാഖയ്ക്ക് ഇന്ത്യൻ ഗ്രീൻ ബിൽഡിംഗ് കൗൺസിലിന്റെ (ഐജിബിസി) ഗ്രീൻ ഇന്റീരിയർ സർട്ടിഫിക്കേഷൻ ലഭിച്ചു. പരിസ്ഥിതിക്ക് കോട്ടം വരുത്താത്ത അടിസ്ഥാന സൗകര്യങ്ങൾ ഒരുക്കുന്നതിലും ഹരിത ബാങ്കിങ് രീതികൾ പ്രോത്സാഹിപ്പിക്കുന്നതിലും ബാങ്ക് പുലർത്തുന്ന പ്രതിബദ്ധതയെ മുൻനിർത്തിയാണ് അംഗീകാരം. ഊർജ ഉപഭോഗം കുറയ്ക്കുന്ന രൂപകൽപ്പന, പരിസ്ഥിതി സൗഹൃദ ഇന്റീരിയർ സംവിധാനങ്ങൾ, ജീവനക്കാർക്കും ഉപഭോക്താക്കൾക്കും ആരോഗ്യകരമായ പ്രവർത്തനാന്തരീക്ഷം എന്നിവ ഉറപ്പാക്കുന്നതാണ് ബാങ്കിന്റെ കൊച്ചി ശാഖ. ഉപഭോക്താക്കൾക്കും ജീവനക്കാർക്കും ആരോഗ്യകരമായ അന്തരീക്ഷം സൃഷ്ടിക്കാനും മാലിന്യങ്ങൾ പുറന്തള്ളാതെ പരിസ്ഥിതി ആഘാതം പരമാവധി കുറയ്ക്കാനും ബ്രാഞ്ചിന് സാധിച്ചതായി ഐജിബിസി വിലയിരുത്തി. പരിസ്ഥിതി സംരക്ഷണവും സുസ്ഥിര വികസനവും മുൻനിർത്തിയുള്ള ബാങ്കിന്റെ പ്രവർത്തനങ്ങൾക്ക് ലഭിച്ച അംഗീകാരത്തിൽ സന്തോഷമുണ്ടെന്നും ഉത്തരവാദിത്ത ബാങ്കിങ് ശീലങ്ങളെ പ്രോത്സാഹിപ്പിക്കുന്ന കേന്ദ്ര നടപടികളോട് പൂർണമായി സഹകരിക്കുമെന്നും ബാങ്ക് അധികൃതർ വ്യക്തമാക്കി.
Julie John
