കൊച്ചി: കാൻസർ അവബോധവും ചികിത്സാസഹായവും സംയോജിപ്പിച്ചുകൊണ്ട് നടപ്പിലാക്കുന്ന സിഎസ്ആര് പദ്ധതിയായ സഞ്ജീവനിയ്ക്ക് കീഴിൽ, ലിസി കാൻസർ സെന്ററുമായി ഫെഡറൽ ബാങ്ക് ഹോർമിസ് മെമ്മോറിയൽ ഫൗണ്ടേഷൻ ധാരണാ പത്രം ഒപ്പു വെച്ചു. ഇതുപ്രകാരം, ലിസി കാൻസർ സെന്ററിന്റെ ഗുണഭോക്തൃ പിന്തുണാ ഫണ്ടിനായി ഫെഡറൽ ബാങ്ക് ഹോർമിസ് മെമ്മോറിയൽ ഫൗണ്ടേഷൻ ഒരു കോടി രൂപ സംഭാവന നല്കും. ബാങ്കിന്റെ എറണാകുളം സോണല് മേധാവിയും സീനിയർ വൈസ് പ്രസിഡന്റുമായ സി എം ശശിധരനും ലിസി കാൻസർ സെന്ററിന്റെ മാനേജിംഗ് ഡയറക്ടറായ റവ. ഫാദർ പോൾ കരേടനും ഇതുസംബന്ധിച്ച ധാരണാപത്രം കൈമാറി. ബാങ്കിന്റെ സി എസ് ആർ മേധാവിയും വൈസ് പ്രസിഡന്റുമായ ഷാജി കെ വി, കോർപ്പറേറ്റ് ബാങ്കിംഗ് റീജിയണൽ ബിസിനസ് ഹെഡും ഡെപ്യൂട്ടി വൈസ് പ്രസിഡന്റുമായ റാണി എസ്, എറണാകുളം നോർത്ത് ബ്രാഞ്ച് മേധാവിയും ഡെപ്യൂട്ടി വൈസ് പ്രസിഡന്റുമായ മാലിനി ഗോപാൽ എസ് തുടങ്ങിയ ഉദ്യോഗസ്ഥർ സന്നിഹിതരായിരുന്നു. ലിസി കാൻസർ സെന്ററിനെ പ്രതിനിധീകരിച്ച് എൽ എം സിയുടെ എക്സിക്യൂട്ടീവ് ഡയറക്ടറായ റവ. ഫാ. റോജൻ നങ്ങേലിമാലിൽ, എൽ സി സിയുടെ എക്സിക്യൂട്ടീവ് ഡയറക്ടറായ റവ. ഫാ. റെജു കണ്ണമ്പുഴ, ജോയിന്റ് ഡയറക്ടറായ റവ. ഫാ. ഡോ. വർഗീസ് അമ്പലത്തിങ്കൽ, ചീഫ് ഫിനാൻഷ്യൽ ഓഫീസറായ ആന്റണി പുതുശ്ശേരി, മെഡിക്കൽ ഓങ്കോളജി കൺസൾട്ടന്റായ ഡോ. ജയശങ്കർ പി തുടങ്ങിയവർ സംബന്ധിച്ചു.
ഫെഡറൽ ബാങ്കിന്റെ സി.എസ്.ആർ പദ്ധതിയായ സഞ്ജീവനിയിലൂടെ ഇതുവരെ 13,645 പേർക്ക് കാൻസർ സ്ക്രീനിംഗ് നടത്തിയിട്ടുണ്ട്. കൂടാതെ 33,014 ഗുണഭോക്താക്കൾക്ക് ബോധവത്ക്കരണം, രോഗനിർണ്ണയം, പരിശോധന, ചികിത്സാസഹായം, രോഗീപരിചരണം തുടങ്ങിയ ആവശ്യങ്ങൾക്കുള്ള സഹായവും നൽകിയിട്ടുണ്ട്.
“മെച്ചപ്പെട്ട ജീവിതനിലവാരം ഉറപ്പാക്കുന്നതിൽ ആരോഗ്യപരിപാലനം ഒരു അടിസ്ഥാന ഘടകമാണെന്ന് ഫെഡറൽ ബാങ്ക് വിശ്വസിക്കുന്നു. രോഗം നേരത്തെ കണ്ടുപിടിക്കുന്നതിനും, ചികിത്സയ്ക്കും, രോഗീപരിചരണത്തിനും പിന്തുണ നൽകിക്കൊണ്ട് അർത്ഥവത്തായ സാമൂഹിക സ്വാധീനം ചെലുത്താനുള്ള ഞങ്ങളുടെ പ്രതിബദ്ധതയാണ് ലിസി കാൻസർ സെന്ററുമായുള്ള സഹകരണം പ്രതിഫലിപ്പിക്കുന്നത്,” ഫെഡറൽ ബാങ്ക് വൈസ് പ്രസിഡന്റും സി എസ് ആർ വിഭാഗം മേധാവിയുമായ ഷാജി കെ. വി. പറഞ്ഞു.
വ്യക്തിഗത അന്തസ്സിനും രാജ്യത്തിന്റെ വികസനത്തിനും ആരോഗ്യം അനിവാര്യമാണെന്ന് ഫെഡറൽ ബാങ്കിന് ബോധ്യമുണ്ട്. അതു കൊണ്ടു തന്നെ, ‘സഞ്ജീവനി- യുണൈറ്റഡ് എഗെയ്ൻസ്റ്റ് കാൻസർ’ ഉൾപ്പെടെയുള്ള ബാങ്കിന്റെ സി എസ് ആർ പദ്ധതികൾ ദീർഘകാല സാമൂഹിക സ്വാധീനം ചെലുത്തുന്ന സുസ്ഥിരമായ ഇടപെടലുകളിലൂടെ സമൂഹത്തിന്റെ ആവശ്യങ്ങൾ പരിഹരിക്കാൻ ലക്ഷ്യമിട്ടാണ് രൂപകൽപ്പന ചെയ്തിരിക്കുന്നത്.
Photo caption: കാൻസർ ബാധിതർക്കുള്ള ഗുണഭോക്തൃ പിന്തുണാ ഫണ്ടിലേക്ക് ഫെഡറൽ ബാങ്ക് ഹോർമിസ് മെമ്മോറിയൽ ഫൗണ്ടേഷൻ നൽകുന്ന ഒരു കോടി രൂപയുടെ ധനസഹായവുമായി ബന്ധപ്പെട്ട ധാരണാപത്രം ഫെഡറൽ ബാങ്ക് എറണാകുളം സോൺ മേധാവിയും സീനിയർ വൈസ് പ്രസിഡന്റുമായ സി. എം. ശശിധരൻ, ലിസി കാൻസർ സെന്റർ മാനേജിംഗ് ഡയറക്ടർ റവ. ഫാ. പോൾ കരേടന് കൈമാറുന്നു. ഫെഡറൽ ബാങ്ക് കോർപ്പറേറ്റ് ബാങ്കിംഗ് റീജിയണൽ ബിസിനസ് ഹെഡും ഡെപ്യൂട്ടി വൈസ് പ്രസിഡന്റുമായ റാണി എസ്., എൽ.എം.സി. എക്സിക്യൂട്ടീവ് ഡയറക്ടർ റവ. ഫാ. റോജൻ നങ്ങേലിമാലിൽ, എൽ.സി.സി. എക്സിക്യൂട്ടീവ് ഡയറക്ടർ റവ. ഫാ. റെജു കണ്ണമ്പുഴ എന്നിവർ സമീപം.
Sneha Sudarsan
