ന്യൂജേഴ്‌സി : സെൻറ് സ്റ്റീഫൻസ് മലങ്കര ഓർത്തഡോക്സ് ചർച്ച്, മിഡ്‌ലാൻഡ് പാർക്ക് , ഭക്തിസാദ്രമായ ചടങ്ങുകളോടെ 40-ാം വാർഷിക ആഘോഷ ചടങ്ങുകൾ വിജയകരമായി സംഘടിപ്പിച്ചു .
ഒക്ടോബർ 23, 2023 നു മലങ്കര ഓർത്തഡോക്സ് സഭയുടെ പരമാധ്യക്ഷൻ പരിശുദ്ധ മാർത്തോമ്മാ മാത്യൂസ് തൃതീയൻ ബാവയുടെ കാർമീകത്വത്തിൽ ഭദ്ര ദീപം കൊളുത്തി, ബാനർ പ്രകാശനവും സംഘടിപ്പിച്ചാണ് 40-ാം വാർഷിക ആഘോഷ പരിപാടികൾക്ക് ദേവാലയത്തിൽ തിരശീല ഉയർന്നത് . നോർത്ത് ഈസ്റ്റ് അമേരിക്കൻ ഭദ്രാസന മെത്രാപ്പോലീത്ത അഭിവന്ദ്യ സഖറിയ മാർ നിക്കോളോവോസ് തിരുമേനിയുടെ അനുഗ്രഹീത സാന്നിധ്യത്തിലാണ് ചടങ്ങുകൾ സംഘടിപ്പിച്ചത്.
സെൻ്റ് സ്റ്റീഫൻസ് മിഡ് ലാൻഡ് പാർക്ക് ദേവാലയ വികാരി റവ ഫാ ഡോ.ബാബു കെ.മാത്യു വരികളെഴുതി, സംഗീതസംവിധായകൻ ശ്രീ ജോസി പുല്ലാട് കമ്പോസ് ചെയ്തു, പ്രശസ്ത ഗായകരായ കെ ജി മാർക്കോസ്, ജയചന്ദ്രൻ എന്നിവർ ഗാനങ്ങൾ ആലപിച്ച ക്രിസ്ത്യൻ ഭക്തിഗാനങ്ങളുടെ സമാഹാരം കാദീശ് ആൽബത്തിന്റെ പ്രകാശനവും ചടങ്ങിൽ നിർവഹിച്ചു . സിഡി വിൽപ്പനയിൽ നിന്ന് സമാഹരിക്കുന്ന തുക ബാവാ തിരുമേനിയുടെ “സഹോദരൻ” ചാരിറ്റി പ്രോജക്റ്റിലൂടെ ഇന്ത്യയിലെ നിർദ്ധനരായ രോഗികൾക്ക് കൈമാറും. ആൽബത്തിലെ ഗാനങ്ങൾ ഉൾപ്പെടുന്ന സംഗീത നിശയോടെ പരിപാടികൾക്ക് സമാപനമായി
40 വാർഷികാഘോഷത്തിന്റെ ഭാഗമായി 2024 ജനുവരി 13 ശനിയാഴ്ച സംഘടിപ്പിച്ച സെൻ്റ് സ്റ്റീഫൻസ് ദേവാലയ പെരുന്നാൾ ആയിരുന്നു അടുത്ത പരിപാടി. സൗത്ത് വെസ്റ്റ് ഭദ്രാസനാധിപൻ അഭിവന്ദ്യ ഇവാനിയോസ് മെത്രാപ്പോലീത്തയുടെ മഹനീയ സാന്നിധ്യത്തിൽ ദേവാലയം വർണശബളമായി പെരുന്നാൾ ആഘോഷങ്ങൾ സംഘടിപ്പിച്ചു .
40-ാം വാർഷികാഘോഷങ്ങളുടെ സമാപന ചടങ്ങുകൾ ദേവാലയത്തിൽ 2024 ഒക്ടോബർ 5 ശനിയാഴ്ചയും ഒക്ടോബർ 6 ഞായറാഴ്‌ചയും വിജയകരമായി ആഘോഷിച്ചു. പരിശുദ്ധ മാർത്തോമ്മാ മാത്യൂസ് തൃതീയൻ ബാവ മുഖ്യാതിഥിയായിരുന്ന ചടങ്ങുകളിൽ നോർത്ത് ഈസ്റ്റ് അമേരിക്കൻ ഭദ്രാസനാധിപൻ അഭിവന്ദ്യ സഖറിയ മാർ നിക്കോളോവോസ് തിരുമേനിയുടെ
അനുഗ്രഹീത സാന്നിധ്യവും ഉണ്ടായിരുന്നു. നോർത്ത് ഈസ്റ്റ് അമേരിക്കൻ ഭദ്രാസനത്തിലെ വിവിധ ഇടവകകളിൽ നിന്നുള്ള ഭദ്രാസന അസംബ്ലി അംഗങ്ങളും നിരവധി വൈദികരും സഭാംഗങ്ങളും ശനിയാഴ്ച സന്ധ്യാ പ്രാർത്ഥനയിലും ഒക്ടോബർ 6 ഞായറാഴ്ച രാവിലെ പരിശുദ്ധ മാർത്തോമ്മാ മാത്യൂസ് തൃതീയൻ ബാവയുടെ മുഖ്യ കാർമ്മികത്വത്തിൽ നടന്ന വിശുദ്ധ കുർബാനയിലും പങ്കെടുത്തു. റവ . ഫാ. ജോൺ തോമസ്, (ജാക്‌സൺ ഹൈറ്റ്സ് സെൻ്റ് മേരീസ് ഓർത്തഡോക്സ് പള്ളി വികാരി), റവ ഫാ ഡോ.ബാബു കെ മാത്യു (സെൻ്റ് സ്റ്റീഫൻസ് മലങ്കര ഓർത്തഡോക്സ് പള്ളി വികാരി) തിരുകർമ്മങ്ങളിൽ പങ്കെടുത്തു
വിശുദ്ധ കുർബാനയ്ക്കു ശേഷം നടന്ന പൊതുസമ്മേളനം ക്വയർ സോങ്ങുകളോടെ ആരംഭിച്ചു, തുടർന്ന് ശ്രീമതി അജു തര്യൻ (40-ആം വാർഷിക ആഘോഷ പരിപാടി കോഓർഡിനേറ്റർ) തയ്യാറാക്കിയ സെൻ്റ് സ്റ്റീഫൻസ് ചർച്ചിൻ്റെ സംക്ഷിപ്ത ചരിത്രം അടങ്ങുന്ന ഡോക്യുമെൻ്ററി പ്രകാശിപ്പിച്ചു,
ദേവാലയ വികാരി റവ ഫാ ഡോ. ബാബു കെ മാത്യു ഏവരെയും സ്വാഗതം ചെയ്തു സംസാരിച്ചു . 40-ആം വാർഷിക ആഘോഷ പരിപാടി ജനറൽ കൺവീനർ ജോബി ജോൺ ചടങ്ങിൽ എം സി കർത്തവ്യം നിർവഹിച്ചു.
ദേവാലയത്തിന്റെ 40 വർഷത്തെ ചരിത്രയാത്രയെ അനുസ്മരിക്കുന്ന സുവനീർ ചീഫ് എഡിറ്റർ ഡോ. എബി തര്യൻ നിക്കോളോവോസ് തിരുമേനിയുടെയും ദേവാലയ വികാരി റവ ഫാ ഡോ ബാബു കെ മാത്യുവിന്റെയും സാന്നിധ്യത്തിൽ ബാവാ തിരുമേനിക്ക് സമ്മാനിച്ചു. ബാവ തിരുമേനി ഔദ്യോഗികമായി ചടങ്ങിൽ സുവനീർ പ്രകാശനം ചെയ്തു.
ദേവാലയത്തിലെ എല്ലാ മെമ്പേഴ്സിന്റെയും വിവരങ്ങൾ അടങ്ങിയ ചർച്ച് ഡയറക്ടറിയും ബാവാ തിരുമേനി പ്രകാശനം ചെയ്തു. ആബേൽ രാജനും ധന്യ രാജനും ചേർന്നാണ് ഈ ഡയറക്ടറി ദേവാലയത്തിനു വേണ്ടി തയ്യാറാക്കിയത്. തുടർന്ന് ബാവ തിരുമേനി, നിക്കോളോവോസ് തിരുമേനി, രൂപതാ അസംബ്ലി അംഗം ഉമ്മൻ കാപ്പിൽ എന്നിവർ ആശംസകൾ നേർന്നു സംസാരിച്ചു .
ഈ അവസരത്തിൽ, ദേവാലയ രൂപീകരണത്തിൻ്റെ ആദ്യ വർഷങ്ങളിൽ പള്ളിയിൽ ചേർന്ന 12 സ്ഥാപക അംഗങ്ങളെ ആദരിച്ചു . സെൻ്റ് മേരീസ് ജാക്‌സൺ ഹൈറ്റ്സ് വികാരി റവ ഫാ ജോൺ തോമസ് അച്ഛൻ, കഴിഞ്ഞ 40 വർഷമായി സെൻ്റ് സ്റ്റീഫൻസ്, മിഡ്‌ലാൻഡ് പാർക്ക് ദേവാലയത്തിലെ ഏക വികാരി ഡോ. ബാബു കെ മാത്യു അച്ഛൻ എന്നിവർ പ്രത്യേക അനുമോദനവും ആദരവും ഏറ്റു വാങ്ങി.
ദേവാലയത്തിന്റെ തുടക്കം നാളുകൾ മുതൽ പള്ളിയുടെ ചേർത്ത് പ്രവർത്തിക്കുന്ന ജോസഫ് വർക്കി & കുടുംബം, ലില്ലി മാത്യു & കുടുംബം, എം.ടി. മാത്യു & കുടുംബം, കെ.ജി. തോമസും കുടുംബവും, ജെയിംസ് തോമസും കുടുംബവും, ടി.വി. മത്തായിയും കുടുംബവും, ഡെയ്‌സി ഇടിച്ചാണ്ടിയും കുടുംബവും, ജേക്കബ് ചാക്കോ & കുടുംബവും, ജോമി ഡേവിഡും കുടുംബവും, ആലീസ് ജോണും കുടുംബവും, സാറാമ്മ ജോണും കുടുംബവും, വർഗീസ് ചാക്കോ & കുടുംബവും എന്നിവരെ പ്രത്യേകം ആദരിച്ചു. ആഘോഷ പരിപാടികൾക്കു ലഭിച്ച എല്ലാ സഹായത്തിനും ഏകോപനത്തിനും പള്ളി സെക്രട്ടറി ജെറീഷ് വർഗീസ് നന്ദി പ്രകാശിച്ചു സംസാരിച്ചു ഇന്ത്യൻ പരമ്പരാഗത ഉച്ചഭക്ഷണത്തോടെ ചടങ്ങുകൾക്ക് തുരശീല വീണു.
Reporter : Jinesh Thampi
