ഡാലസ്: നോർത്ത് ഈസ്റ്റ് ഡാലസിലെ ഒരു കോൺഡോമിനിയം സമുച്ചയത്തിന്റെ മുറ്റത്ത് ഉണ്ടായ വെടിവെപ്പിൽ നിരപരാധിയായ ഒരു സ്ത്രീ കൊല്ലപ്പെട്ടു. ചൊവ്വാഴ്ച രാത്രി 9 മണിയോടെയാണ് സംഭവം നടന്നത്. പൊലീസ് എത്തുമ്പോൾ സ്ത്രീയ്ക്ക് വെടിയേറ്റ നിലയിലായിരുന്നു. ആശുപത്രിയിലേക്ക് മാറ്റിയെങ്കിലും പിന്നീട് മരണം സംഭവിച്ചു.
സാക്ഷികളുടെ മൊഴിപ്രകാരം, തിരിച്ചറിയാത്ത ചിലർ പരസ്പരം വെടിവെക്കുന്നതിനിടെയാണ് സ്ത്രീ വെടിയേറ്റ് വീണത്. വെടിയുണ്ടകൾ സമീപത്തെ കെട്ടിടത്തിലും കുറഞ്ഞത് രണ്ട് വാഹനങ്ങളിലും തട്ടിയതായി പൊലീസ് അറിയിച്ചു. പ്രതികൾ സംഭവസ്ഥലത്ത് നിന്ന് രക്ഷപ്പെട്ടിട്ടുണ്ട്.
സംഭവം ഡാലസിലെ വാൾണട്ട് സ്ട്രീറ്റിലെ 9800 ബ്ലോക്കിലുള്ള കോൺഡോമിനിയം സമുച്ചയത്തിലാണ് നടന്നത്. മരിച്ച സ്ത്രീയുടെ പേര് ബന്ധുക്കളെ അറിയിക്കുന്നതുവരെ പുറത്തുവിടില്ലെന്ന് അധികൃതർ അറിയിച്ചു. കേസിൽ അന്വേഷണം തുടരുകയാണ്. വിവരമുള്ളവർ ഡാലസ് പൊലീസിനെ ബന്ധപ്പെടണമെന്ന് അധികൃതർ അഭ്യർത്ഥിച്ചു.
