റിയാദ്: സൗദി അറേബ്യയുടെ തലസ്ഥാനമായ റിയാദിലെ ഒരു സൂപ്പർമാർക്കറ്റിൽ ജീവനക്കാരെ വാൾ കാട്ടി ഭീഷണിപ്പെടുത്തി പണം കവർന്ന സംഭവത്തിൽ രണ്ട് സൗദി പൗരന്മാരെ പൊലീസ് അറസ്റ്റ് ചെയ്തു. കടയിൽ പ്രവേശിച്ച പ്രതികൾ ജീവനക്കാരെ ഭീഷണിപ്പെടുത്തിയ ശേഷം കാഷ് കൗണ്ടറിൽ നിന്നുള്ള പണം കൈക്കലാക്കി രക്ഷപ്പെടുകയായിരുന്നു.
സംഭവത്തിന്റെ സിസിടിവി ദൃശ്യങ്ങൾ പുറത്തുവന്നതോടെ പൊലീസ് അന്വേഷണം ശക്തമാക്കി. തുടർന്ന് പ്രതികളെ തിരിച്ചറിഞ്ഞ് അറസ്റ്റ് ചെയ്തതായി റിയാദ് പൊലീസ് അറിയിച്ചു. പ്രതികൾക്കെതിരെ നിയമനടപടികൾ ആരംഭിച്ചിട്ടുണ്ടെന്നും അധികൃതർ വ്യക്തമാക്കി.
