ജോർദാനിൽ ഇറാൻ നടത്തിയ മിസൈൽ-ഡ്രോൺ ആക്രമണങ്ങളിൽ രണ്ട് യു.എസ് സൈനികർ കൊല്ലപ്പെടുകയും ഒരാളെ കാണാതാവുകയും ചെയ്തതായി യു.എസ് സെൻട്രൽ കമാൻഡ് അറിയിച്ചു. പരിക്കേറ്റ മറ്റ് നാല് സൈനികരെ ആശുപത്രിയിൽ പ്രവേശിപ്പിച്ചെങ്കിലും പിന്നീട് വിട്ടയച്ചു.
ആക്രമണത്തിന് മറുപടിയായി, ഇറാന് ശക്തമായ തിരിച്ചടി നൽകാൻ പ്രസിഡന്റ് ഡൊണാൾഡ് ട്രംപിന്റെ നിർദ്ദേശപ്രകാരം അമേരിക്ക ശനിയാഴ്ച വൈകുന്നേരത്തോടെ ഇറാനിയൻ സൈനിക കേന്ദ്രങ്ങൾക്ക് നേരെ വ്യോമാക്രമണം ആരംഭിച്ചു. ഹോർമുസ് കടലിടുക്കിലെ വാണിജ്യ കപ്പലുകൾക്ക് നേരെയുള്ള ഇറാന്റെ ഭീഷണി ഇല്ലാതാക്കുക കൂടിയാണ് ഈ യു.എസ് ആക്രമണത്തിന്റെ ലക്ഷ്യം. ഒരു താൽക്കാലിക വെടിനിർത്തൽ കരാർ തകർന്നതിനെ തുടർന്ന് കഴിഞ്ഞ ഒരാഴ്ചയായി ഇരുരാജ്യങ്ങളും തമ്മിൽ മേഖലയിൽ കടുത്ത പോരാട്ടത്തിലാണ്.
