സംസ്ഥാനത്തെ പൊതുവിദ്യാഭ്യാസ വകുപ്പിന് കീഴിലുള്ള അധ്യാപക നിയമനത്തിനുള്ള 18 പി.എസ്.സി റാങ്ക് ലിസ്റ്റുകളുടെ കാലാവധി ആറുമാസത്തേക്ക് നീട്ടാന് മന്ത്രിസഭ യോഗം തീരുമാനിച്ചു. 2026 സെപ്റ്റംബര്, ഒക്ടോബര്, നവംബര് മാസങ്ങളില് കാലാവധി അവസാനിക്കുന്ന പ്രൈമറി തലം മുതല് എച്ച്എസ്എസ്ടി വരെയുള്ള റാങ്ക് ലിസ്റ്റുകളുടെ കാലാവധിയാണ് നീട്ടുന്നത്. സെന്സസ് ഡ്യൂട്ടി, ബി.എല്.ഒ ചുമതലകള്, സ്ഥലം മാറ്റ നടപടികളിലെ കാലതാമസം, സ്റ്റാഫ് ഫിക്സേഷന് വൈകിയത് തുടങ്ങിയ കാരണങ്ങളാല് അധ്യാപക ഒഴിവുകള് യഥാസമയം റിപ്പോര്ട്ട് ചെയ്യുന്നതിലുണ്ടായ കാലതാമസം പരിഹരിക്കാനാണ് നടപടി.
കാലാവധി നീട്ടിയ റാങ്ക് ലിസ്റ്റുകള്;
1. പ്രീ പ്രൈമറി ടീച്ചര് – കാറ്റഗറി നമ്പര് – 519/2019
2. എച്ച്.എസ്.ടി സോഷ്യല് സയന്സ് – കാറ്റഗറി നമ്പര് – 203/ 2021
3. എച്ച്.എസ്.ടി മലയാളം- – കാറ്റഗറി നമ്പര് – 255/ 2021
4. എച്ച്.എസ്.ടി ഹിന്ദി- – കാറ്റഗറി നമ്പര് – 562/ 2021
5. എച്ച്.എസ്.ടി ഇം?ഗ്ലീഷ്- കാറ്റഗറി നമ്പര് – 254/ 2021
6. എച്ച്.എസ്.ടി മാത്തമാറ്റിക്സ്- കാറ്റഗറി നമ്പര് – 383/ 2020
7. എച്ച്.എസ്.ടി നാച്വറല് സയന്സ്- കാറ്റഗറി നമ്പര് – 384/ 20208.
8. ഫുള്ടൈം ജൂനിയര് ടീച്ചര് അറബിക് – കാറ്റഗറി നമ്പര് – 520/ 2019
9. പാര്ട്ട് ടൈം എച്ച്.എസ്.ടി ( ഹിന്ദി) – 422/2019
10. എച്ച്.എസ്.ടി ഡ്രോയിംഗ് – കാറ്റഗറി നമ്പര് – 524/ 201911.
11. പാര്ട്ട് ടൈം ജൂനിയര് അറബിക് യുപിഎസ് – കാറ്റഗറി നമ്പര് – 402/ 2020
12. ഫിസിക്കല് എഡ്യൂക്കേഷന് ടീച്ചര് യുപിഎസ്- കാറ്റഗറി നമ്പര് – 525/ 2019
13. എച്ച്.എസ്.എസ്.ടി ഇംഗ്ലീഷ് -കാറ്റഗറി നമ്പര് – 728 / 2021
14. എച്ച്.എസ്.എസ്.ടി ജൂനിയര് ഇംഗ്ലീഷ് – കാറ്റഗറി നമ്പര് – 730/ 2021
15. എച്ച്.എസ്.എസ്.ടി ഹിസ്റ്ററി – കാറ്റഗറി നമ്പര് – 486/ 2019
16. എച്ച്.എസ്.എസ്.ടി ജൂനിയര് സുവോളജി – കാറ്റഗറി നമ്പര് – 738/ 202117.
17. എച്ച്.എസ്.എസ്.ടി എച്ച്.എസ്.എസ്.ടി ജൂനിയര് ജോഗ്രഫി – കാറ്റഗറി നമ്പര് – 736/ 2021
18. എച്ച്.എസ്.എസ്.ടി ജൂനിയര് ബോട്ടണി – കാറ്റഗറി നമ്പര് – 737/ 2021
ലഹരിമരുന്ന് കേസുകളുടെ വിചാരണ വേഗത്തിലാക്കാന് പാലക്കാട്, മഞ്ചേരി, തൃശൂര് ജുഡീഷ്യല് ജില്ലകളില് മൂന്ന് പുതിയ എന്ഡിപിഎസ് പ്രത്യേക കോടതികള് സ്ഥാപിക്കാന് മന്ത്രിസഭായോഗം തീരുമാനിച്ചു. മൂന്ന് കോടതികളിലുമായി 33 പുതിയ തസ്തികകള് സൃഷ്ടിക്കും. തിരുവനന്തപുരം, എറണാകുളം എന്ഡിപിസ് കോടതികളിലെ സ്ഥിരം തസ്തികകളുടെ എണ്ണം എട്ടില് നിന്ന് പതിനൊന്നായി ഉയര്ത്തും. പുതിയ കോടതികളും ജീവനക്കാരുടെ നിയമനവും സര്ക്കാരിന് അധിക സാമ്പത്തിക ബാധ്യത സൃഷ്ടിക്കുമെങ്കിലും ലഹരിമരുന്നിനെതിരായ ശക്തമായ നടപടികളുടെ ഭാഗമായാണ് തീരുമാനം.
സംസ്ഥാനത്ത് മയക്കുമരുന്ന് മാഫിയക്കെതിരെ സര്ക്കാര് ആരംഭിച്ച ‘തൂഫാന്’ ലഹരി വിരുദ്ധ പദ്ധതി അതിശക്തമായി മുന്നോട്ട് പോകുകയാണ്. മയക്കുമരുന്ന് പരിശോധന നടത്തുന്ന ഉദ്യോഗസ്ഥരെയോ അവരെ സഹായിക്കുന്ന പൊതുപ്രവര്ത്തകരെയോ ആക്രമിക്കുന്നവര്ക്കെതിരെ ശക്തമായ നടപടി സ്വീകരിക്കും. യുവതലമുറയെ ലഹരിയുടെ പിടിയില് നിന്ന് രക്ഷിക്കുകയെന്ന ലക്ഷ്യത്തോടെയാണ് പദ്ധതി നടപ്പാക്കുന്നത്. പദ്ധതിക്ക് സമൂഹത്തിലെ എല്ലാ വിഭാഗങ്ങളുടെയും പൂര്ണ പിന്തുണയുണ്ട്.
വെള്ളപ്പൊക്ക ദുരിതാശ്വാസവുമായി ബന്ധപ്പെട്ട അപേക്ഷകളുടെ പരിശോധന വേഗത്തില് പൂര്ത്തിയാക്കി ഈ ആഴ്ച്ച തന്നെ തുക വിതരണം ചെയ്തു തുടങ്ങും. വയനാട് തുരങ്കപാതയിലെ മണ്ണിടിച്ചില് സംബന്ധിച്ച് പഠിക്കാന് നിയോഗിച്ച അഞ്ചംഗ സമിതിയുടെ റിപ്പോര്ട്ട് ഉടന് സര്ക്കാരിന് ലഭിക്കും.
ലയണല് മെസിയുടെ സന്ദര്ശനവുമായി ബന്ധപ്പെട്ട് കായിക വകുപ്പ് നല്കിയ പരാതി തുടര്നടപടികള്ക്കായി ആഭ്യന്തര വകുപ്പിന് കൈമാറിയിട്ടുണ്ട്. ജിഎസ് ടി ക്രമക്കേടുകള് സംബന്ധിച്ച റിപ്പോര്ട്ടുകളില് പ്രത്യേക അന്വേഷണ സംഘം പരിശോധന നടത്തിവരികയാണ്.
ഇ.എസ്.എ പരിധി നിശ്ചയിക്കുന്ന കാര്യത്തില് ഒരു ആശങ്കകള്ക്കും അടിസ്ഥാനമില്ല. കാരണം വിദഗ്ധ സമിതി ഒരു ഡ്രാഫ്റ്റ് റിപ്പോര്ട്ടാണ് ചെയ്തിരിക്കുന്നത്. നേരത്തെ കസ്തൂരിരംഗന് റിപ്പോര്ട്ട് പ്രകാരം 13108 ചതുരശ്ര കിലോമീറ്ററായിരുന്നു നിശചയിച്ചിരുന്നത്. ഉമ്മന്ചാണ്ടി സര്ക്കാര് ഉമ്മന്.വി. ഉമ്മന് കമ്മിറ്റിയെ നിയോഗിച്ച് 9993.7 ചതുരശ്ര കിലോമീറ്ററാക്കി കുറച്ചു.123 വില്ലേജുകള് ആയിരുന്നു. പിന്നീട് വില്ലേജുകള് സ്പ്ലിറ്റ് ചെയ്ത് 131 വില്ലേജകുളിലായി പരിധി നിശ്ചയിച്ചു. 13000 ചതുരശ്രകിലോമീറ്ററായിരുന്നു അവര് ആവശ്യപ്പെട്ടത്. അതില് 3000 ചതുരശ്രകിലോമീറ്റര് കുറച്ചു. അതിന് ശേഷം കഴിഞ്ഞ ഗവണ്മെന്റ് 98 വില്ലേജുകളാക്കി കുറച്ചു. ഇപ്പോഴുള്ള കരടില് വന്നിരിക്കുന്നത് പതിനായിരത്തില് താഴെ ഉമ്മന്.വി. ഉമ്മന് കമ്മിറ്റി പറഞ്ഞ കാര്യമാണ്. അതിനെതിരായിട്ട് 98 വില്ലേജുകളിലേക്ക് എത്തിക്കുന്നതിനുള്ള നടപടിക്രമങ്ങള് ഗവണ്മെന്റ് നടത്തിക്കൊണ്ടിരിക്കുകയാണ്. കമ്മിറ്റിയുടെ മുന്പാകെ ഇക്കാര്യം അറിയിച്ചിരുന്നു. അവര് ഇവിടെ സന്ദര്ശിച്ചിരുന്നു. ഞാനും പരിസ്ഥിതി മന്ത്രി സണ്ണി ജോസഫും അടങ്ങുന്ന ഉദ്യോസ്ഥസംഘം വിദഗ്ധസമിതിയുമായി വളരെ വിശദമായ ചര്ച്ചകള് നടത്തിയിരുന്നു. കരടിന്റെ കാലാവധി തീരുന്നതിനാലാണ് വീണ്ടും എക്സ്റ്റന്റ് ചെയ്യാന് കരട് റിപ്പോര്ട്ട് വന്നിരിക്കുന്നത്. ഇ. എസ്. എ നിയമത്തേക്കാള് കര്ശനമാണ് വന നിയമം. യാതൊരു ആശങ്കയ്ക്കും അടിസ്ഥാനമില്ല. ഈ പതിനായിരം ചതുരശ്ര കിലോമീറ്റററില് 9200 ചതുരശ്ര കിലോമീറ്റര് റിസര്വ് ഫോറസ്റ്റാണ്. 9990 ചതുരശ്ര കിലോമീറ്റര് എന്നത് 8590 ചതുരശ്ര കിലോമീറ്റര് പരിധിയില് 98 വില്ലേജുകളില് ഒതുങ്ങണമെന്നാണ് നമ്മുടെ ആവശ്യം. മറ്റൊരു കാര്യം കമ്മിറ്റിയുടെ മുന്പാകെ അവതരിപ്പിച്ച ഒരു കാര്യം ചില വില്ലേജുകളില് ഫോറസ്റ്റ് ഉണ്ട് ബാക്കി ജനവാസ മേഖലയാണ്. ഈ ജനവാസമേഖലയെ ഒഴിവാക്കി പ്രഖ്യാപിക്കണമെന്നാണ്. ഒരു വില്ലേജ് മൊത്തമായി പ്രഖ്യാപിക്കരുത്. ഇത് പരിഗണിക്കാമെന്ന് അവര് അറിയിച്ചിട്ടുണ്ട്. ഇക്കാര്യത്തില് ഉമ്മന് ചാണ്ടി സര്ക്കാര് ചെയ്ത കാര്യങ്ങള് തുടരും. ഗവണ്മെന്റ് ഇക്കാര്യത്തില് ശക്തമായ നിലപാട് എടുക്കും. റെയില്വേ വിഭജനത്തിനെതിരെയുള്ള സംസ്ഥാനത്തിന്റെ ശക്തമായ എതിര്പ്പ് പ്രധാനമന്ത്രിയെയും റെയില്വേ മന്ത്രിയെയും നേരില് കണ്ട് അറിയിക്കും.
