കോഴിക്കോട് : ലഹരിക്കെതിരെയുള്ള സന്ധിയില്ലാ പോരാട്ടത്തില് അണിചേര്ന്ന് പ്രമുഖരുടെ നിര. ചലച്ചിത്രതാരം മോഹന്ലാലിനു പിന്നാലെ നിരവധി രാഷ്ട്രീയ സാമുദായിക പ്രമുഖരും പുരോഹിതരും തൂഫാന് വാരിയേഴ്സാകുന്നു. ലഹരി വിമുക്ത കേരളം ലക്ഷ്യമിട്ട് ആഭ്യന്തര വകുപ്പിന്റെ നേതൃത്വത്തില് കേരള പോലീസ് നയിക്കുന്ന പ്രത്യേക ദൗത്യമായ ‘ഓപ്പറേഷന് തൂഫാന് ദ നാര്ക്കോ ഹണ്ടി’ ന് പൂര്ണ പിന്തുണ പ്രഖ്യാപിച്ച് പ്രമുഖര് ആഭ്യന്തരമന്ത്രിയുടെ കോഴിക്കോട് സന്ദര്ശനത്തനിടെ തുഫാന് വാരിയേഴ്സായി മാറി ബാഡ്ജ് ഏറ്റുവാങ്ങി. സമസ്ത അധ്യക്ഷന് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, കാന്തപുരം എ.പി. അബൂബക്കര് മുസ്ലിയാര്, കശ്യപാശ്രമം ആചാര്യന് എം.ആര്.രാജേഷ്, താമരശ്ശേരി ബിഷപ്പ് റെമിജിയോസ് ഇഞ്ചനാനിയില് തുടങ്ങിയവാണ് ഇന്ന് തൂഫാന് വാരിയേ്സായത്.
സമസ്തയുടെ കോഴിക്കോട്ടെ ആസ്ഥാനത്ത് എത്തിയ ആഭ്യന്തരമന്ത്രി സമസ്ത അധ്യക്ഷന് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്ക്ക് തൂഫാന് വാരിയര്’ ബാഡ്ജ് സമ്മാനിച്ചു. ലഹരിയെന്ന വിപത്തിനെതിരെ നാമൊന്നായി പോരാടേണ്ടതിന്റെ ആവശ്യകതയെക്കുറിച്ച് തങ്ങള് വീണ്ടും ഓര്മ്മിപ്പിച്ചു. നല്ലൊരു നാളേയ്ക്കായി, ഒരു ‘തൂഫാന് വാരിയറായി’ അദ്ദേഹം മുന്നോട്ടു വന്നത് ഈ പോരാട്ടത്തിന് തരുന്ന ഊര്ജ്ജം ചെറുതല്ലെന്ന് ആഭ്യന്തരമന്ത്രി രമേശ് ചെന്നിത്തല അഭിപ്രായപ്പെട്ടു.
ഇന്ത്യയുടെ ഗ്രാന്ഡ് മുഫ്തിയായ കാന്തപുരം എ.പി. അബൂബക്കര് മുസ്ലിയാര്ക്ക് മര്കസിലെത്തിയാണ് ആഭ്യന്തരമന്ത്രി തൂഫാന് വാരിയര്’ ബാഡ്ജ് കൈമാറിയത്. തുഫാന് എല്ലാവിധ പിന്തുണയും ഉറപ്പ് നല്കിയ കാന്തപുരം, അദ്ദേഹത്തിന്റെ കീഴിലുള്ള വിദ്യാലയങ്ങളിലും വിജ്ഞാന കേന്ദ്രങ്ങളും വഴി ലഹരിക്കെതിരെയുള്ള ശക്തമായ ബോധവല്ക്കരണം ഉണ്ടാകുമെന്നും, വലിയൊരു വിശ്വാസിസമൂഹം ഈ പോരാട്ടത്തില് ഒപ്പമുണ്ടാകുമെന്നും ആഭ്യന്തരമന്ത്രിയെ അറിയിച്ചു.
താമരശ്ശേരി രൂപത ബിഷപ്പ് റെമിജിയോസ് ഇഞ്ചനാനിയിലിനെ ബിഷപ്പ് ഹൗസിലെത്തി സന്ദര്ശിച്ച ആഭ്യന്തരമന്ത്രി അദ്ദേഹത്തിനും തൂഫാന് വാരിയര്’ ബാഡ്ജ് സമ്മാനിച്ചു. വിശ്വാസി സമൂഹത്തിന്റെ പിന്തുണ വാഗ്ദാനം ചെയ്ത ബിഷപ്പ് എല്ലാ പള്ളികളിലും ലഹരിക്കെതിരായ പോരാട്ടത്തില് തൂഫാന്റെ ഭാഗമാകാനുള്ള സന്ദേശമെത്തിക്കുമെന്നും ഉറപ്പു നല്കി.
കോഴിക്കോട് കശ്യപാശ്രമത്തിന്റെ ആചാര്യന് എം.ആര് രാജേഷിനെ സന്ദര്ശിച്ച രമേശ് ചെന്നിത്തല അദ്ദേഹത്തിനും തൂഫാന് വാരിയര്’ ബാഡ്ജ് കൈമാറി. തുഫാന്റെ ഉദ്യേശ്യ ലക്ഷ്യത്തെ പ്രശംസിച്ച അദ്ദേഹം കാശ്യപ വേദ റിസര്ച്ച് ഫൗണ്ടേഷന്റെയും കശ്യാപാശ്രമത്തിന്റെയും എല്ലാവിധ പിന്തുണയും ദൗത്യത്തിന് ഉറപ്പുനല്കി.
കോഴിക്കോട് എം.പി എം.വി രാഘവന്, എം.എല്.എമാരായ പ്രവീണ് കുമാര്, കെ ജയന്ത്, ഓപ്പറേഷന് തൂഫാന് നോഡല് ഓഫീസറും ഉത്തരമേഖല ഐജിയുമായ പുട്ട വിമലാദിത്യ, കോഴിക്കോട് പോലീസ് കമ്മീഷ്ണര് എ.പി ഷൗക്കത്ത് അലി, കോഴിക്കോട് റൂറല് എസ്.പി മെറിന് ജോസഫ്, കെ.പി.സി.സി രാഷ്ട്രീയകാര്യ സമിതി അംഗം എന്. സുബ്രമണ്യം തുടങ്ങിവരും ആഭ്യന്തരമന്ത്രി രമേശ് ചെന്നിത്തലക്കൊപ്പം സന്നിഹിതരായിരുന്നു.
ഓപ്പറേഷന് തൂഫാന്’ സംസ്ഥാനത്ത് വലിയ ജനകീയ മുന്നേറ്റമായി മാറിക്കൊണ്ടിരിക്കുകയാണെന്നും മയക്കുമരുന്ന് മാഫിയയെക്കുറിച്ചുള്ള വിവരങ്ങള് ഇപ്പോള് പൊതുജനങ്ങള് തന്നെ പോലീസിനെ അറിയിക്കുന്ന സാഹചര്യമാണുള്ളതെന്നും മന്ത്രി രമേശ് ചെന്നിത്തല പറഞ്ഞു. മയക്കുമരുന്ന് സംഘങ്ങളെക്കുറിച്ച് ഭയം മൂലം മൗനം പാലിച്ചിരുന്ന കാലഘട്ടത്തില് നിന്ന് ജനങ്ങള് തന്നെ മുന്നോട്ടിറങ്ങി ലഹരി മാഫിയക്കെതിരെ പോരാടുന്ന സാഹചര്യം സൃഷ്ടിക്കപ്പെട്ടു. കഴിഞ്ഞ പതിനേഴ് ദിവസത്തിനിടെ ലഹരി വില്പ്പനയും ഉപയോഗവുമായി ബന്ധപ്പെട്ട് സംസ്ഥാനത്ത് നാലായിരത്തോളം പേരെ അറസ്റ്റ് ചെയ്തിട്ടുണ്ടെന്നും, ഇതില് രണ്ട് വിദേശ പൗരന്മാരും ഉള്പ്പെട്ടിട്ടുണ്ട്. സമൂഹത്തിലെ വിവിധ മേഖലകളില് നിന്നുള്ള ബഹുമാന്യ വ്യക്തികളുടെ പിന്തുണയാണ് ഓപ്പറേഷന് തൂഫാനിന്റെ വിജയത്തിന് കരുത്താകുന്നതെന്നും, കേരളത്തിലെ എല്ലാ ജനവിഭാഗങ്ങളെയും ‘തൂഫാന് വാറിയര്മാരാക്കി’ മാറ്റുന്ന വിപുലമായ ജനകീയ പ്രചാരണ പ്രവര്ത്തനങ്ങളാണ് ഇപ്പോള് പുരോഗമിക്കുന്നതെന്നും അദ്ദേഹം വ്യക്തമാക്കി.
ഫോട്ടോ ക്യാപ്ഷന്സ്
1) ആഭ്യന്തരമന്ത്രി രമേശ് ചെന്നിത്തല കാന്തപുരം എ.പി. അബൂബക്കര് മുസ്ലിയാര്ക്ക്് തൂഫാന് വാരിയര്’ ബാഡ്ജ് സമ്മാനിക്കുന്നു
2) സമസ്ത അധ്യക്ഷന് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്ക്ക് ഓപ്പറേഷന് തുഫാന് ഫ്ളാഗ് കൈമാറി ആഭ്യന്തരമന്ത്രി രമേശ് ചെന്നിത്തല
3) കശ്യപാശ്രമത്തിന്റെ ആചാര്യന് എം.ആര് രാജേഷിന് തൂഫാന് വാരിയര്’ ബാഡ്ജ് സമ്മാനിക്കുന്നു
4) താമരശ്ശേരി രൂപത രൂപത ബിഷപ്പ് റെമിജിയോസ് ഇഞ്ചനാനിയിലിന് തൂഫാന് വാരിയര്’ ബാഡ്ജ് സമ്മാനിക്കുന്നു
