സ്പേസ്-ടെക് സ്റ്റാര്‍ട്ടപ്പുകളെ ശാക്തീകരിക്കാന്‍ ഐഎസ്ആര്‍ഒ-മൈക്രോസോഫ്റ്റ് സഹകരണം

കൊച്ചി: ഇന്ത്യന്‍ ബഹിരാകാശ ഗവേഷണ സ്ഥാപനവും (ഐഎസ്ആര്‍ഒ) മൈക്രോസോഫ്റ്റും ധാരണാപത്രത്തില്‍ (എംഒയു) ഒപ്പുവച്ചു. ഇന്ത്യയിലെ സ്പേസ് ടെക് സ്റ്റാര്‍ട്ടപ്പുകള്‍ക്കായുള്ള ടെക്നോളജി ടൂളുകള്‍, പ്ലാറ്റ്‌ഫോമുകള്‍, മാര്‍ക്കറ്റിലേക്കെത്താനുള്ള സപ്പോര്‍ട്ട്, മെന്ററിംഗ് എന്നിവ നല്‍കി ശാക്തീകരിക്കാനും സജ്ജരാക്കാനുമാണ് ധാരണാപത്രം.

ഇന്ത്യയിലെ ഏറ്റവും മികച്ച ബഹിരാകാശ സാങ്കേതിക കണ്ടുപിടുത്തക്കാരുടെയും സംരംഭകരുടെയും വിപണി സാധ്യതകള്‍ പ്രയോജനപ്പെടുത്തുക എന്ന ഐഎസ്ആര്‍ഒയുടെ ലക്ഷ്യത്തെ ഈ സഹകരണം കൂടുതല്‍ ഊര്‍ജ്ജിതമാക്കുന്നു. ഐഎസ്ആര്‍ഒ കണ്ടെത്തുന്ന ബഹിരാകാശ സാങ്കേതിക സ്റ്റാര്‍ട്ടപ്പുകളെ മൈക്രോസോഫ്റ്റ് ഫോര്‍ സ്റ്റാര്‍ട്ടപ്പ് ഫൗണ്ടേഴ്സ് ഹബ് പ്ലാറ്റ്‌ഫോമില്‍ ഉള്‍പ്പെടുത്തും. ഇത് സ്റ്റാര്‍ട്ടപ്പുകളെ അവരുടെ യാത്രയുടെ ഓരോ ഘട്ടത്തിലും പിന്തുണയ്ക്കുന്നു.

മൈക്രോസോഫ്റ്റ് ഫോര്‍ സ്റ്റാര്‍ട്ടപ്പ് ഫൗണ്ടേഴ്‌സ് ഹബ്ബ് വഴി, ഇന്ത്യയിലെ സ്‌പേസ്-ടെക് സ്റ്റാര്‍ട്ടപ്പ് സ്ഥാപകര്‍ക്ക് അവരുടെ ബിസിനസ് നിര്‍മ്മിക്കുന്നതിനും പ്രവര്‍ത്തിപ്പിക്കുന്നതിനും ആവശ്യമായ സാങ്കേതികവിദ്യ, ഉപകരണങ്ങള്‍, വിഭവങ്ങള്‍ എന്നിവയിലേക്ക് സൗജന്യ ആക്‌സസ് ലഭിക്കും. മികച്ച ഇന്‍-ക്ലാസ് ഡെവലപ്പറായ അസ്യുര്‍, ഉല്‍പ്പാദനക്ഷമതാ ടൂളുകളായ ഗിറ്റ് ഹബ് എന്റര്‍പ്രൈസ്, വിഷ്വല്‍ സ്റ്റുഡിയോ എന്റര്‍പ്രൈസ്, മൈക്രോസോഫ്റ്റ് 365 എന്നിവ നിര്‍മ്മിക്കുന്നതിനും സ്‌കെയില്‍ ചെയ്യുന്നതിനുമുള്ള സാങ്കേതിക പിന്തുണയും പവര്‍ ബിഐ, ഡൈനാമിക്സ് 365 എന്നിവയുള്ള സ്മാര്‍ട്ട് അനലിറ്റിക്സിലേക്കുള്ള ആക്സസ്സും ഇതില്‍ ഉള്‍പ്പെടുന്നു.

എഐ, മെഷീന്‍ ലേണിംഗ്, ഡീപ് ലേണിംഗ് തുടങ്ങിയ അത്യാധുനിക രീതികള്‍ ഉപയോഗിച്ച് വിവിധ ആപ്ലിക്കേഷനുകള്‍ക്കായുള്ള വലിയ അളവിലുള്ള സാറ്റലൈറ്റ് ഡാറ്റ വിശകലനം ചെയ്യുന്നതിനും പ്രോസസ്സ് ചെയ്യുന്നതിനും മൈക്രോസോഫ്റ്റുമായുള്ള ഞങ്ങളുടെ സഹകരണം സ്പേസ് ടെക് സ്റ്റാര്‍ട്ടപ്പുകള്‍ക്ക് വളരെയധികം പ്രയോജനം ചെയ്യും. ദേശീയ ബഹിരാകാശ സാങ്കേതിക പരിസ്ഥിതി വ്യവസ്ഥയെ പിന്തുണയ്ക്കുന്നതിനായി സ്റ്റാര്‍ട്ടപ്പുകളെയും സാങ്കേതിക പരിഹാരങ്ങള്‍ നല്‍കുന്നവരെയും ഒരുമിച്ച് കൊണ്ടുവരുന്നതിനുള്ള ഉപയോഗപ്രദമായ പ്ലാറ്റ്‌ഫോമാണ് മൈക്രോസോഫ്റ്റ് ഫോര്‍ സ്റ്റാര്‍ട്ടപ്പ് ഫൗണ്ടേഴ്‌സ് ഹബ്. ഇന്ത്യന്‍ സമ്പദ്വ്യവസ്ഥയ്ക്ക് പ്രയോജനപ്പെടുന്ന തരത്തില്‍ സംരംഭകരെ സഹായിക്കാനും പിന്തുണയ്ക്കാനും ഒരുമിച്ച് പ്രവര്‍ത്തിക്കുന്നതില്‍ ഞങ്ങള്‍ക്ക് സന്തോഷമുണ്ട്-ഐഎസ്ആര്‍ഒ ചെയര്‍മാന്‍ എസ് സോമനാഥ് പറഞ്ഞു.

ടെക്‌നോളജിയുടെ ശക്തി ഉപയോഗിച്ച് രാജ്യത്തിന്റെ ബഹിരാകാശ കഴിവുകള്‍ വികസിപ്പിക്കുന്നതില്‍ ഇന്ത്യയിലെ സ്‌പേസ് ടെക് സ്റ്റാര്‍ട്ടപ്പുകള്‍ നിര്‍ണായക പങ്ക് വഹിക്കുന്നുണ്ട്. ബഹിരാകാശത്ത് സാധ്യമാകുന്നതത്രയും ത്വരിതപ്പെടുത്തുന്നതിന് ഐഎസ്ആര്‍ഒയുമായി സഹകരിക്കുന്നതില്‍ ഞങ്ങള്‍ക്ക് സന്തോഷമുണ്ട്. ഞങ്ങളുടെ ടെക്‌നോളജി ടൂളുകള്‍, പ്ലാറ്റ്‌ഫോമുകള്‍, മെന്റര്‍ഷിപ്പ് അവസരങ്ങള്‍ എന്നിവയിലൂടെ, അത്യാധുനിക നവീകരണത്തിനും ശാസ്ത്രീയ കണ്ടെത്തലുകള്‍ ത്വരിതപ്പെടുത്തുന്നതിനും രാജ്യത്തെ സ്പേസ് ടെക് സ്റ്റാര്‍ട്ടപ്പുകളെ ശാക്തീകരിക്കുന്നതിന് ഞങ്ങള്‍ ആഴത്തില്‍ പ്രതിജ്ഞാബദ്ധരാണ്- മൈക്രോസോഫ്റ്റ് ഇന്ത്യ പ്രസിഡന്റ് അനന്ത് മഹേശ്വരി പറഞ്ഞു.

സാങ്കേതികവിദ്യയിലേക്കുള്ള പ്രവേശനത്തിനപ്പുറം, സ്പേസ് എഞ്ചിനീയറിംഗ് മുതല്‍ ക്ലൗഡ് സാങ്കേതികവിദ്യകള്‍, ഉല്‍പ്പന്നവും രൂപകല്‍പ്പനയും, ധനസമാഹരണവും വില്‍പ്പനയും വിപണനവും വരെയുള്ള മേഖലകളില്‍ സ്പേസ് ടെക് സംരംഭകര്‍ക്ക് മൈക്രോസോഫ്റ്റ് മാര്‍ഗനിര്‍ദേശ പിന്തുണ നല്‍കും. കൂടാതെ, വ്യവസായവുമായും ഉപഭോക്താക്കളുമായും ബന്ധം സ്ഥാപിക്കുന്നതിനും അവരുടെ വളര്‍ച്ച ത്വരിതപ്പെടുത്തുന്നതിനും അനുയോജ്യമായ സ്റ്റാര്‍ട്ടപ്പ് കേന്ദ്രീകൃത പരിശീലനത്തിനും പ്രോഗ്രാമുകള്‍ക്കുമായി സ്ഥാപകര്‍ക്ക് മൈക്രോസോഫ്റ്റ് ലേണിലേക്കുള്ള ആക്‌സസും ഉണ്ടായിരിക്കും.

സ്റ്റാര്‍ട്ടപ്പുകള്‍ക്ക് ബഹിരാകാശ വ്യവസായ വിദഗ്ധരുമായുള്ള വിജ്ഞാന പങ്കിടലും, ചിന്താ നേതൃത്വ സെഷനുകളും ഈ സഹകരണത്തിലൂടെ ഉറപ്പാക്കും. കൂടാതെ, മൈക്രോസോഫ്റ്റ് ചാനലുകള്‍ വഴിയും മാര്‍ക്കറ്റ് പ്ലേസ് വഴിയും അവരുടെ സൊല്യൂഷനുകള്‍ വില്‍ക്കുന്നതിനുള്ള അവസരങ്ങള്‍, ഗോ-ടു-മാര്‍ക്കറ്റ് തന്ത്രങ്ങള്‍, സാങ്കേതിക പിന്തുണ എന്നിവയും ലഭ്യമാക്കും.

Report : Aishwarya

 

Leave Comment